प्रवीण सुबेदी सबै तहका न्यायिक निकायमा अभ्यास गर्ने अधिवक्ता हुनुहुन्छ ।उहाँलेनर्वेको अस्लो विश्वविद्यालयबाट सूचना तथा संचार प्रबिधि कानुनमा स्नाकोत्तर गर्नुभएको छ। उहाँले देवानी, फौजदारी तथा व्यापारिक कानुनी विषयमा विभिन्न अदालतहरूमा कानुनी प्रतिनिधित्व गर्दै आउनुभएको छ र विभिन्न विषयहरूमा राष्ट्रिय तथा अन्तर्राष्ट्रिय अनुसन्धानहरू गर्नुभएको छ। उहाँ काठमाडौँ स्कुल अफ लको शिक्षण संकायमा पनि आबद्ध हुनुहुन्छ। उहाँ नेपाल प्रहरी प्रशिक्षण प्रतिष्ठान, सशस्त्र प्रहरी बल र राष्ट्रिय न्यायिक प्रतिष्ठानमा नियमित प्रशिक्षण दिनुहुन्छ। उहाँ संयुक्त राज्य अमेरिकाको अन्तर्राष्ट्रिय अतिथि नेतृत्वको कार्यक्रममा फेलो प्रतिनिधिको रुपमा चुनिनु भएको थियो। उहाँले हंगकंग विश्वविद्यालयको मिडिया कानुन फेलोशिप पुरस्कार प्राप्त गर्नुभएको छ। उहाँ कानुनी आवश्यकता भएका व्यक्तिहरूलाई कानुनी सहायता प्रदान गर्नुका साथ साथै नेपालको सर्वोच्च अदालतसमक्ष सार्वजनिक हितका मुद्दाहरू पेश गरी बहस गर्ने कार्यमा संलग्न हुनुहुन्छ। साथै उहाँ प्यारामाउन्ट लिगल एडभाईजरी सर्भिसेस प्राईभेट लिमिटेडको सहयोग प्रबन्धक र साझेदार पनि हुनुहुन्छ। उहाँले देवानी, फौजदारी तथा व्यापारिक कानुनी विषयमा विभिन्न अदालतहरूमा कानुनी प्रतिनिधित्व गर्दै आउनुभएको छ र विभिन्न विषयहरूमा राष्ट्रिय र अन्तर्राष्ट्रिय अनुसन्धानहरू गर्नुभएको छ।

निराजन थपलिया नेपालमा कार्यरत एक मानव अधिकार व्यवसायी हुनुहुन्छ। उहाँले संयुक्त राष्ट्रसंघ र अन्तर्राष्ट्रिय संस्थाहरू – ट्रायल इन्टरनेसनल र इन्टरनेसनल सेन्टर फर ट्रानजीसनल जस्टिस (आई सी टी जे ) मा – करिब १३ वर्ष विभिन्न पदमा रही कार्य सम्पादन गर्नुभएको छ। उहाँ हाल एमनेस्टी इन्टरनेसनलको निर्देशकको रुपमा कार्यरत हुनुहुन्छ। उहाँले मानवीय र सामाजिक विज्ञानमा त्रिभुवन विश्वविद्यालयबाट स्नातकोत्तर गर्नुभएको छ।

अंकित बाबु अधिकारी एक अनुसन्धान व्यवसायी र पत्रकार हुनुहुन्छ। उहाँ हाल विकास क्षेत्रमा अनुसन्धान, अनुगमन र मुल्यांकनमा व्यस्त हुनुहुन्छ। उहाँ फाउन्डेसन फर लिगल म्यानेजमेन्टमा मुल्यांकन, अनुगमन र शिक्षण संयोजनकर्ताको क्षमतामा कार्यरत हुनुहुन्छ। उहाँ वाशिंगटन पोष्टको लागि पनि लेख्नुहुन्छ। २०१४ र २०१५ को बीचमा अंकितले ट्रायल इन्टरनेसनलमा मानव अधिकार र संचार अधिकृतको क्षमतामा रही कार्य गर्नुभएको थियो। उहाँले द काठमान्डू पोष्ट (रिपोर्टर) र द हिमालयन टाइम्स (डेस्क सम्पादक) लगायतका राष्ट्रिय दैनिकहरूसंग काम गर्नुभएको छ। उहाँले काठमाडौँ विश्वविद्यालयको विकास शिक्षामा एम फिल को अध्ययन गर्दै हुनुहुन्। उहाँले सोही विश्वविद्यालयबाट दिगो विकासमा स्नाकोत्तर पनि गर्नुभएको छ। उहाँ एक कलाकार हुनुहुन्छ र नेपाली संगीत जगतमा गायक र संगीतकर्ताको रुपमा सक्रिय हुनुहुन्छ।

Samikshya Rai is a Legal Advocate based in Nepal. She has been involved in research in regards to Alternative Prison approaches. She has previously worked voluntarily for Amnesty International Nepal between (2021-2022). She is currently pursuing LL.M in Business and International Trade law in Kathmandu School of Law.

कपिल अर्याल हाल काठमाडौँ स्कूल अफ लमा सहप्राध्यापक हुनुहुन्छ। उहाँले सन् २००० मा व्यवसायी वकीलको रुपमा र सन् २००५ मा कानुन विषय प्राध्यापनबाट आफ्नो व्यावसायिक क्यारियर सुरु गर्नुभयो। उहाँको कानुन, मानव अधिकार, फौजदारी न्याय, लैंगिक न्याय, असक्तता भएका व्यक्तिहरूको अधिकार, बालअधिकार, मानव बेचबिखन/ ओसारपसार विरुद्ध र साक्षीको सुरक्षाका विषयहरूमा काम गर्नुभएको १९ वर्ष भन्दा बढी भैसक्यो। उहाँले नेपालमा स्वच्छ पुर्पक्षका मापदण्डहरू, बालबालिकाको हकाधिकारहरू र मानव बेचबिखन र ओसारपसारमा वृहत अनुसन्धानहरू प्रकाशित गर्नुभएको छ। विश्वव्यापी आवधिक समीक्षा प्रक्रिया र संयुक्त राष्ट्रसंघको सन्धि निकायहरूको प्रतिबेदनका लागी थुप्रै नागरिक समाज संगठनका लागि परामर्शदाताको रुपमा काम गर्नुभएको छ।